Azken indioak (Gatibu)

Azken indioak (Gatibu)

2019/02/1 | Musika gomendioak

AEBetako Texas estatuan grabatu zuten “Azken indioak” izeneko lana, Sonicranch estudioan hain zuzen ere. Santi Garcia ekoizle ezagunaren laguntza izan zuen Gernikako taldeak. Musikaren, kulturaren eta euskararen katebegitik sortu nahi izan dute lan berria, barneko hausnarketari kanpoko bagirada batez laguntzea izan da haien helburua.

Zortzigarren bilduma honetan, kantu indartsu eta energiaz beteak osatu dituzte. Alex Sardui abeslariaren ahotsak duen nortasunak erabat biltzen ditu kantuak. Azken hamasei urte hauetan haize berritzen eta konplexurik gabe estilo ezberdinak jorratzen aritutakoak dira Gatibukoak, nahiz eta oinarrian rock doinuek duten protagonismo osoa.

Euskal rockaren oholtzan erreferentziadun talde bezala duen arrakasta guztiz merezitakoa da.

Hemen eskuragai.

Liv til døden (Nøgen)

2019/02/1 | Musika gomendioak

Euskara eta ingelesa nahastuz, eta beraien nortasun bilakatzen ari den pop-folka oinarri hartuta, estilo honek bildu ditzakeen kolore guztiak jorratu dituzte.

Freskotasuna gordetzen duen lan heldua jarri digu esku artean Nøgenek. Hirukote gisa hasi zuen bere ibilbidea Nøgenek eta hainbat kontzertu eman zituen 2016ko udan. Pop-folk alaiaren (Mumford and Sons, Of Monsters And Men, La M.O.D.A…) ildotik sortutako kantu propioak eskaintzen zituzten.

Ibilbide laburreko taldea izan arren, Nøgenek zeresan handia eman du azken urtean bere hiru kantako lehen EParekin. 2016an Danimarkako Erasmuseko gau luzeek jo zituzten Nøgenen lehen ukelele akordeak. Horien eskutik josi zituen ilusioz, herriminez eta malenkoniaz Markel Idigorasek aurreneko melodia eta hitzak. Bere barrena islatzeko eta biluzteko nahia (hori baita Nøgen danieraz: biluzik) berekin ekarri zuen Donostiara bueltan eta segituan kutsatu zituen Alex Irazustaren gitarra eta Ane Negueruelaren ahotsa.

Danimarkatik Donostiara, egun Eider Saezek, Markel Idigorasek, Alex Irazustak, Olatz Cuevasek eta Jokin Guilisagastik osatzen duten taldea hil arte bizitzera etorri zaigu, indarrez beteriko proposamen batekin.

Migel Marmolen hamaika eta bat jaiotzak (Dani Fano)

Migel Marmolen hamaika eta bat jaiotzak (Dani Fano)

2019/02/1 | Liburu gomendioak

Dani Fano gipuzkoarra aspaldi da Euskal Herriko komikigintzan erreferentziazkoa dela. Bere ibilbide luzean kolaboratu du Ardi Beltza eta Ipurbeltz aldizkariekin, Elhuyar zientzia eta teknologia fundazioarekin, Ikastolen Elkartearekin; sortu du gurea den Xabiroi pertsonaia…

Orain nobela grafiko honekin kontatzen digu Miguel Marmolenen bizitza, El Salvadorreko iraultzaile handienetako baten bizitza. Miguelek bizitza zaila izan zuen, beti klandestinitatean, poliziaren eskuetatik alde egiten, tirokatuta, torturatuta… Erdialdeko Amerikako ezkerraren patua.

Iduriak oso adierazkorrak dira, oso ongi islarazten duten gertaerak, indar handia dute.

Hemen eskuragai.

Hondamuinean (Zerocalcare)

Hondamuinean (Zerocalcare)

2019/02/1 | Liburu gomendioak

Zerocalcare marrazkilari trebea, punk-hadcore kontzertuetarako afixetan, fanzinetan eta gaztetxetan hasi zen trebatzen bere estilo probokatzailea, laster gazteria alternatiboarekin bat egingo zuen estilo garratza. 2011an argitaratu zuen komiki hau.

28 urte zituen eta pentsatu zuen bere ibilbide artistikoari eta bere bizitzari autokritika egiteko bazegoela unerik.

Komikiko orrietan bere marrazki adierazkorrez gain, bere pentsamendua laburbiltzen duen esaldi bortitz hau “utikan naziak, utikan poliziak, utikan hauteskundeak” aurkituko dugu.

Koldo Izagirre itzultzaileak egundoko ahalegina du italiar gazteen hizkera euskaratzeko, eta nago bikain lortu duela.

Hemen eskuragai.