Eta ipuingarria izan zen!

Eta ipuingarria izan zen!

2021/11/15 | Elkartea, euskaldenda, Ipuingarria izango da, Jarduerak

🌈Bazen behin, Iruñeko jauregi eta @geltoki_ batean, ipuinen munduan murgildu nahi zuten haur talde bat…
Eskerrik asko bihotz-bihotzez egitasmo hau aurrera eramateko posible egin duzuen GUZTIOI, bolondres, langile, artistak…
#ipuingarriaizanda egitasmoa atzo bukatu zen baino ziur gaude hurrengo urtean ilusioz eta ametsez beteko dugula Iruñea berriz.
Bengoak ipuinen amaieretan esaten zuen bezala: «Hala bazan edo ez bazan, sar dadila kalabazan, eta atera dadila Iruñeko plazan».
Online denda martxan

Online denda martxan

2020/04/28 | Elkartea, euskaldenda

Xabier Karrikako Karrikiri euskal dendak ateak itxita ditu oraindik, baina bulegoak martxan jarraitzen du zerbitzu guztiak eskainiz. Gurekin harremanetan jartzeko: bulegoa@karrikiri.eus.

Eta orain, ADI! Online bidezko salmenta martxan jarri dugu denda.karrikiri.eus webgunean.

Sartu eta ikusi euskal kulturaren eskaintza zabal eta oparoa. Eskaerak etxera bidaliko dizkizugu.

Jarrai gaitzazu sare sozialetan ere. Twitter, Facebook eta Instagram.

BERRIAren «IRAKURRI EUSKARAZ ITXIALDIAN ERE» ekimenari lotu gara baita ere. Eskaera egiterakoan gutaz gogoratzen bazara, guk ere ARNAS HARTUKO DUGU.

https://www.berria.eus/berrialaguna/denda/

Karrikiri, Iruñeko euskaldunon topagunea.

2019-2020an Karrikirin aurkeztutako liburuak: Nerea Balda, Eduardo Galeano, Bernardo Atxaga, Unai Elorriaga, Nanni Balestrini, Alfontso Gartziandia, Lorea Agirre, Idurre Eskisabel…

2020/03/16 | euskaldenda, Jarduerak

Hauek izan dira kurtso honetan, 2019-2020 kurtsoan, gurean, Karrikirin (Xabier karrika 4n) aurkeztu diren liburuak



Karrikiriren gomendioak datozen egunetarako

2020/03/14 | Elkartea, euskaldenda, Jarduerak, Liburu aurkezpenak

Koronabirusak eragindako egoera dela eta bertan behera geratzen dira martxorako antolatuta geneuzkan ekitaldiak:

– Kike Amonarrizen Euskararen bidegurutzetik liburuaren aurkezpena

– Mari Luz Estebanekin solasaldia eta Andrezaharraren manifestua liburuaren aurkezpena

Dena dela, Karrikiriren gomendioak egoerari aurre egiteko:

1- Zaindu zuen buruak, zaindu maite dituzuen horiek. Hartu arnasa eta aurrera. Hau ere pasako da!

2- Probestu Euskal kulturaz gozatzeko, gure sare eta webgunean jarriko ditugun euskal liburu eta disken gomendioekin


2020a hasi da, eta gu prest gaude

2020/01/2 | Elkartea, euskaldenda

2. Euskaraldira eramango gaituen urte polita dugu aurretik. Ideia, amets eta gogo ugari dugu aurten ere, baina oraindik ere, #gehiago nahi ditugu, #gehiagotan partekatu nahi ditugu eta #gehiagorekin konspiratu nahi dugu. Iruñea euskaldunago egin nahi dutenen Topagunea izan nahi dugu. Elkarlanean, denon artean eginen dugu.


Proposamenik, ideia berririk, galderarik, iruzkinik baduzu, betiko tokian izanen gaituzu: bulegoa, denda eta topagunea den Xabier Karrika 4an, Iruñeko alde zaharrean, (Estafeta kalearen ondoan).

Guregana hurbiltzerik ez baduzu, harremanetarako baliabide hauek eskaintzen dizkizugu: emaila eta telefonoa: bulegoa@karrikiri.eus; 948 225 845.

Web orriak: karrikiri.eus; denda.karrikiri.eus

Eta nola ez: Twitter, Facebook eta Instagram

Aitzina! Urte berri on!