Anita Parker!! (Anita Parker)

Anita Parker!! (Anita Parker)

2019/01/2 | Musika gomendioak

Lakuntza, Arrasate eta Bilbon du sorburua Anita Parker taldeak. Ane Martinez Pentatonix Folk taldean ibilitakoa da, Olatz Anduezak Skalariak taldean parte hartu zuen, Iñaki Bengoa eta Jon Zubiaga berriz Gose taldean aritutakoak dira. Elektroswing doinuak jorratzen ditu proiektuak, erritmo jostari eta dantzagarriak ez dira falta “Anita Parker” izeneko lanean.

Gose taldeak erabilitako laborategi bera aukeratu dute beraien azken lana borobiltzeko. Shot izeneko estudioan egin zituzten moldaketa guziak 2017ko uztail eta abuztu bitartean, ondoren Jonan Ordorikak hartu zuen masterizazio lanaren ardura.

Egunerokotasunarekin hautsi eta erabateko deskonexiora eramateko gaitasuna dute taldearen kantuek, dantzan jarri eta gorputza solte jartzera animatzen du Anita Parker taldearen lanak.

Hemen eskuragai.

Anita Parker (Anita Parker)

Anita Parker (Anita Parker)

2018/03/1 | Musika gomendioak

Bukatu da eskuak patrikan izatearen kontua, aldakaz gainera gorputz osoa mugiaraziko duen lana baita Anita Parker taldeak sortu duena. Elektro-swing doinu dantzagarriak dira nagusi proiektu berri honetan.

Arrasateko Gose taldearen arrastotik datorren lagun taldea dira; Ane Martinez, Olatz Andueza, Iñaki Bengoa eta Jon Zubiaga musikaria dira taldea osatu dutenak. Disko jostalaria da haien esanetan, dantzarako gonbitea egiten duena eta berritzailea ere bai Anita Parker izen bereko lana.

Hatortxu Rock jaialdi beteranoaren azken edizioan parte hartu zuten, horren ondoren ari dira beraien lekutxoa hartzen Euskal Herriko musikaren panoraman.

Azkenik, kantu sorta biltzen duen diseinua ere ezin utzi aipatu gabe, azal koloretsu eta deigarria, Pop art estiloan egina, baitauka.

Hemen eskuragai.