Hilabete lehenengo asteburuko agenda betea dator:
Apirilaren 5ean, ostiralarekin, ‘Tempo de exilio’ liburua aurkeztuko dugu Karrikirin, Xabier karrika 4an. Poema liburu honetan, Joseba Sarrionandiaren poemak biltzen dira, euskaraz eta galegoz, Isaac Xubínek itzuli dituenak. Euskaratik galegora egindako itzulpenak, gazteleratik pasa gabe, alegia. Egilea bera izanen da gurean, eta haren laguntzaile eta aurkezle lanetan Ruper Ordorika izanen du. Ekitaldi irekia izanen da.
Bihar, martxoak 22, Ibon RG izango dugu Karrikirin bere LP bikoitza aurkezten.
Arratsaldeko 20:00tan izango da, sarrera musu-truk.
“Herri kantaren erroetara jo du; esperimentazioaren esperientzia makulu, piezak entzulearen memorian irauteko nahia akuilu. Norabide, kolore, ertz eta instrumentu askotako musikaria da, baina ahotsean oinarrituriko disko gordin eta biluzia kaleratu berri du: Hil zara ”
Argia aldizkariatik hartua
Hitzen hotsak aurrera doa, oraingo honetan III. edizioa aurkezten dizuegu.
Ines Osinaga izango da hasiera emango dion lehenengo sortzailea.
Igande honetan, otsailak 10, goizeko 12etan, formatu txikiko hitzaldi musikatuaz gozatzeko aukera izango dugu.
Sarrerak Karrikirin salgai 6€tan.
Izaro Andres Zelaieta 1993ko gabonzahar egunean jaio zen Mallabian. Urte betez Fisikako ikasketetan proba egin ondoren, Komunikazioko Gradua ikasi zuen Donostian eta ordutik bertan bizi da.
2014an hasi zuen bere ibilbide musikala Paradise kantuarekin, eta 2016an “om” izeneko bere lehen diskoa kaleratu zuen. Ordutik oholtza gainera igotzen da IZARO izenoean. Iker Lauroba Alonso, oriol Flores Arisa, Julen Barandiaran Blanco eta Garazi Esnaola Balerdi dira IZAROrekin lanean diharduten musikariak.
Erraietatik jaiotzen zaion musika intimo eta sentsibilitate sakonekoak ingurukoak harrapatzen ditu era saihestezinean. IZARO “eason” izeneko bere bigarren diskoa aurkezten ari da.
www.izaromusika.com-tik hartua.
https://www.youtube.com/watch?v=yY2-CMjxbS4
Hitzen Hotsak: formatu txikiko hitzaldiaken bigarren edizioari hasiera emateko, urriaren 14an, Anje Duhalde gonbidatuko dugu. Azaroaren 18an, berriz, Izaro Andres izanen da gurekin.
Aurrekoetan bezala eguerdiko 12:00etan, Karrikiriko egoitzan elkartuko gara eta ordu betez, gonbidatuek euren sormen lanaz, historiaz, esperientziaz eta inspirazio iturriez hitz eginen dute.
Anje Duhalde euskal rockaren historian agertzen den izen horietako bat da. Mixel Ducaurekin batera Errobi taldea sortu zuen eta taldearen gitarjolea izan zen. Errobi desegin zenean, Akelarre taldearen unea iritsi zen eta bertan urteak eman zituen bakarlari gisa hasi arte. Bere ibilbea luzea da eta ibilbide horretan kolaborazioak egiteko aukerak ere izan zituen, adibidez, Xabier Amuriza bertsolariarekin Xabier Amurizarekin kantari diskoa.
Izarok 2016an bere lehenengo diska kaleratu zuen. Om izeneko diskarako berak sortu zituen hitzak eta musika eta crowdfunding kanpainaren bidez finanziatu zuen. 2017an Korrikaren 20. edizioko Zirkorrika abestian, Gatiburen Aske Maitte bideoklipan ere parte hartu zuen eta Durangoko Azokaran Hankapuntetan lana karrikaratu zuen. Horretaz gain, beste kolaborazio batzuk izan ditu ere, esate baterako, Mikel Urdangarinekin Errefuxiatuak kantan. Eta 2018an bigarren diska aurkeztu du, Easo.
Lehendabiziko edizioa apiriletik ekainera bitarte gauzatu zuen Karrikirik eta Gari, Anari eta Aguxtin Alkhatek eman zioten hasiera. Aurrekoan bezala lekuak mugatuak daude eta aurretik sarrera erostea gomendatzen da.
Sarrerak 6€