Mintzakide egitasmoak jasoko du Euskalerria irratiaren Larreko saria

2010/11/8 | Berriak

Euskalerria irratiko ordezkarien esanetan, aurten bere 16. edizioa beteko duen sari honen xedea “euskararen onerako lanak, merezimenduak eskertzeko saria da; hizkuntzaren ospea hobetuz, euskararen erabilera suspertuz edo euskararen ikasketa erraztuz dabilenari gorazarre publiko egiteko. Iruñerriko egungo euskaldunok biltzeko eta elkarganatzeko proposamena ere bada”.

Mintzakide egitasmoa Iruñerrian 2004an sortutako mintza praktika ekimena da, euskaraz txukun hitz egiten duten eta mintzamena hobetu nahi duten pertsonak harremanetan jartzen dituen programa. Egun Iruñerrian eta Tafalla aldean bideratzen den egitasmo honetan hainbat eragilek parte hartzen dute; Topagunea koordinatzaile lanetan eta beste elkarte batzuk lagutnzaile gisa; Euskaldunon Biltoki, Karrikaluze, AEK, IKA, Zubiarte, Iruñezar euskaltegia…eta baita Karrikiri elkartea ere.

Nafarroako Hitza bihar izanen da karrikan

2010/11/4 | Berriak

Atzoko bilkuran Nafarroako euskalgintzako hainbat jende bildu zen egitasmo horien berri bertatik bertara jasotzeko eta Berria taldeko kideek aipatu zutenez, hemendik aitzina ostiraleko Berria tokiko gehigarri bat eramanen du, herrialde bakoitzeko informazioa bilduko duena.

Gipuzkoako Hitza-k eta Bizkaikoak hamasei orri izango dituzte, eta Arabakoak, Nafarroakoak eta Ipar Euskal Herrikoak, berriz, zortzi. Gehigarri horiek guztiek informazio soziala landuko dute batez ere; informazio pausatua emanez eta eguneroko adierazpenen kazetaritzatik eta zurrunbilotik ihes eginez.

Nafarkarian egiten zen moduan, eguneroko egunkarian lekurik izanen ez duten erreportaje, elkarrizketa eta gainerakoak jorratuko dituzte eta Iritzi saila ere izanen dute, astekari bakoitzak herrialdeko zutabegileak izango dituelarik. Horretaz gain, agenda zabala eta horri lotutako ekitaldien inguruko informazioa, erreportajeak eta elkarrizketak landuko dituzte.

Bihar argitaratuko den Nafarroako gehigarri berriak1991ean Egunkariarekin banatzen hasi eta 2002an bere azkeneko aleak atera zituen Nafarkariaren lekukoa hartuko du. Karrika aldizkariaren 61. alean, 2002ko irailan, Asier Azpilikueta, garai hartako Nafarkariaren arduradunari egin genion elkarrizketa, Nafarkariak bere azkeneko alea atera zuenean.

Dirulaguntzak euskarazko ikastaroak barnetegietan egiteagatik

2010/11/3 | Berriak

Guztira 2.800 euroko diru zuzkidura izanen duen deialdi honetan izena emanez gero, %50eko laguntza jaso ahal izanen da gehienez, hau da 492 euro, eta, esan bezala, eskaera egiteko mugaeguna hilaren 12a izanen da.

Argibide gehiago Iruñeko Udalaren web orrian, 948 420 960 zenbakian edota Iruñeko Udaleko Kultura Alorrera joanda jaso ahal izanen duzue (Descalzos karrika, 72-2).

Urriaren 8ko Nafarroako Aldizkari Ofizialean ere aurkituko duzue.