Aste berezia dugu honetan! Maiatz argitaletxeak karrikaratutakoa Karrikirin eskuragarri jarri dugu. Xabier karrikako gure dendatxoak Baiona-Iruñea ekitaldiari keinu berezia egiten ari dio.
Zer aurkituko duzu? Maiatz aldizkaria, azken argitalpenak, saiakera, olerkiak, eleberri beltza… Zatoz kuxkuxeatzera eta astelehenean, anima zaitez Iruñea hiri zaharra beste ikuspuntutik ezagutzera, bertso-txangotik, hain zuzen ere! Eta ondoren, Kondestable Jauregian, irakurketa musikatua Edmundo Lacort gitarra-jotzailearekin.
25ean, iruindarrok Baionara joanen gara bisitan eta bertan antolatutako ekitaldian parte hartuko dugu ere: bisita gidatua, mahai ingurua eta errezitaldia.
