Ekitaldiak

“Sabino Arana Iruñerriko Elkanon” liburuaren aurkezpen honetan Eduardo Valencia testuaren egilea eta Uxue Rey kazetaria bilduko ditugu. Idazlanak Navarro Villoslada 2024 saria irabazi zuen. Epaimahaiak lanaren originaltasuna eta freskotasuna azpimarratu zituen hizkuntzaren arloan, baita euskara antzerki-hizkuntza gisa menderatzea ere. Berez, komedia politikoa da, eta pertsonaia nagusiak Sabino Arana (abertzaletasunaren aita) eta Miguel de Unamuno (Salamancako Unibertsitateko errektorea, antiabertzale sutsua) dira. Antzerki hau gupidagabea eta errukiorra da. Satiraren bidez, tolerantziaren aldeko deia egiten du. Bi etsai historikoak, beren pasioan, irrigarri eta urrikalgarri dira aldi berean. Komedia honetan ideologia aldaketa ere gai zentrala da. Unamuno bere iritziak eta sinesmenak etengabe aztertzen eta berrikusten dituen pertsona da. Bere ideologia-aldaketa pentsamendu kritikoaren eta irekitasun intelektualaren isla da. Ideologiak berak ere euskara nola aldatu duen islatzen du lan honek.

I. MINABERRI ITZULPEN-BEKA Ainhoa Mendiluze (itzultzailea), Maider Beloki (Iruñeko Udala), Fernando Rey (EIZIE) eta Iñigo Satrustegi (Txalaparta)