Berrinaugurazioaren argazki batzuk
Plazerra izan da denda berrituaren irekiera programazioa zuekin konpartitu izana!!
Mila esker!
Miren Amurizak itxiko du berrinaugurazio egitaraua
Berrinaugurazioari bukaera emateko primerako gonbidatua, Miren Amuriza.
Liburu ilustratuei buruz hitz eginen du gaur arratsaldean, 19:30ean. “Konta iezadazu ipuin bat” da hitzaldiaren izenburua eta berak idatzitako artikulu batean oinarritua dago. Gustatuko zaizulakoan gaude!
Miren Amuriza
bertsolaria da, “Bainera bete itsaso” liburua idatzi du, Pirritx Porrotx eta Marimotots liburuak idatzi ditu, Berria Egunkarian kolaboratzaile da eta “Paperezko txoriak” proiektuagatik 2017 Igartza saria jaso du.
Hitzaldia doan da, aforoa bete arte!
Larunbatean ezin izan zinen egon?
Berrinauguraziorako prestatutako bigarren saioa larunbat goizean gauzatu genuen, eta benetan, ederra izan zen!
Lagunak, bazkideak, kolaboratzaileak eta hurbildutakoak, mila esker!
Denetarik izan genuen, “txangoa” Karrikiri euskal denda barruan, irri egiteko tartetxoa eta momentu hunkigarriak (Ondarru eta Silvia Alonsori esker ona adierazi zitzaienean, adibidez), e.a.
Asteazkenean, 19:30ean, Miren Amurizarekin “Konta iezadazu ipuin bat” hitzaldia izanen dugu. Honekin emanen diogu bukaera berrinaugurazioari.
Hasi gara berrinaugurazioarekin!!
Atzo eman genion hasiera dendaren berrinaugurazioari!
“Egile berriendako literatur lehiaketa 2016” liburu aurkezpena Iñaki Azkonak bideratu zuen. Testuak irakurtzeko tartea izan genuen, baita errezitaldi txiki bat egiteko ere. Azkenean, Julio Sotok ezin izan zuen etorri, baina bihar hemen egonen da!
Maialen Lujanbio eta Julio Sotoren txanda dator: bihar, 12:00etan.
Bihar hasiko gara berrinaugurazioarekin!!
Bihar, arratsaldeko 19:30ean, emanen diogu hasiera berrinaugurazio egitarauari. Aurrekoan aipatu genuen bezala, “Egile berriendako literatur lehiaketa. 2016” liburuaren aurkezpenarekin hasiko gara.
Partaideak: Ander Perez Garro “Lehen malutak”; Iban Garro Alzuri “Hidris-en aulkia” eta Julio Soto Ezkurdia “Nor naiz?”.
Iñaki Azkonaren esku utziko dugu aurkezpena. Honatx aurreko urtean egindako “Egile berriendako literatur lehiaketa.2015” aurkezpenaren argazki batzuk.