Canva elkarte eta kolektiboendako: ezagutarazi zure proiektuak modu bisual eta profesionalean

IZENA EMAN HEMEN

Canva tresna erraz eta moldakorra da, eta elkarteei aukera ematen die haien komunikazio-materialak diseinuprograma espezializatuen mende egon gabe sortzeko. Ikastaro honetan, jarduerak, proiektuak eta kanpainak komunikatzeko ikusizko eduki erakargarriak sortzen ikasiko dugu, bai euskarri inprimatuetan, bai digitaletan. Prestakuntza praktikoa izanen da batez ere, eta elkarteen eta kolektiboen benetako beharretan oinarritua. Ikastaro hau euskaraz emango da. Ikastaroa egiten dutenek ordenagailua eraman beharko dute (ez mugikorra, ez tableta).

EDUKIAK
1. Canva-hastapenak eta tresna nagusiak.
2. Txantiloiak, formatuak, tipografiak, irudiak eta baliabide grafikoak.
3. Elkartearendako oinarrizko identitate bisuala sortzea.
4. Kartel, esku-orri, aurkezpen eta bestelako material batzuen sorkuntza.
5. Sare sozialetarako edukiak diseinatzea.
6. Canvan txertatutako adimen artifizialeko tresnak.
7. Kanal desberdinetarako edukiak sortu eta egokitzea.
8. Material propioak garatzea, erakunde bakoitzaren beharretatik abiatuta.

HELBURUAK

• Elkarte eta kolektiboen komunikazio bisuala hobetzea.
• Material erakargarriak eta koherenteak sortzea modu autonomoan.
• Edukiak eta komunikazio-piezak egiteko denbora aurreztea.
• Eduki bera formatu eta kanal desberdinetara egokitzen ikastea.
• Adimen artifizialeko tresnak erabiltzea sormen-prozesua arintzeko.

METODOLOGIA

Prestakuntza praktiko eta partehartzailea. Azalpen laburrak, erakustaldiak eta ariketak konbinatuko dira, parte-hartzaileek edukiak beren elkarteen benetako proiektu eta beharretara aplikatu ahal izan ditzaten. Material lagungarriak eta adibideak emanen dira prestakuntzaren ondoren Canvarekin lan egiten jarraitzeko.

Prestatzailea: Sara Larripak 20 urte baino gehiago daramatza berrikuntza-dinamiketan komunikatzaile gisa lan egiten, eta Ikus-entzunezko errealizazioko eta produkzioko goi-mailako teknikari ikasketak ditu.

Iraupena 12 ordu.
Egunak Azaroak 3, 10, 17 eta 24.
Ordutegia: 17:00 – 20:00.
Tokia ZENTRO (Kondestablearen Jauregia), Kale Nagusia 2.
Behin-behineko izen-ematea Urriaren 26ra arte.