Horretaz landa, iraganeko hilabetean inauteriak direla eta Karrikiri dendan izandako mugimenduaz ere aritu gara azaleko orrian, baita hilaren erdialdera, martxoaren 14ean eginen dugun Karrisolasaren berri eman ere, “Hizkuntza politika berri eta eraginkorra” hizpide hartuta.
Agendaren atalan Bardoak Nafarroako Taldekako Bertso Txapelketaren bigarren fasea, hilaren lehenengo larunbatean eginen den Iruñea Kantuz ekimena, Mintzakideren mendi ibilaldiak, Zaldiko Maldiko eta Biltokiko irakurle taldeak, antzerki saioak, Burlatako umore zikloa, UEUko ikastaroak, tailerrak, lehiaketak, e.a.
Artikuluen tartean, Alaitz Rekondo Ferrero, Entzumen eta Hizkuntzako irakaslearen “Euskarari esker” ekarpen interesgarria, eta Karrikiriren gomendioen artean; Gartxot komiki liburua eta Lapiko Kritiko Kolektiboaren hAUSNART aldizkaria. Diskei dagokionez, Xu Jun eta Beñat Fuentesen The Tree lana eta Xabi eta Petti musikarien “Xabi ta Petti” diska.
Edukiak gustatzen? Ba on egin!!
Laster izanen duzue Karrika zuen etxeetan.
Eta Karrika aldizkaria oraindik etxean jasotzen ez baduzu, eskatu PDF formatuan igor diezazugun.