2017/10/25 | euskaldenda
Berrinaugurazioari bukaera emateko primerako gonbidatua, Miren Amuriza.
Liburu ilustratuei buruz hitz eginen du gaur arratsaldean, 19:30ean. “Konta iezadazu ipuin bat” da hitzaldiaren izenburua eta berak idatzitako artikulu batean oinarritua dago. Gustatuko zaizulakoan gaude!
Miren Amuriza
bertsolaria da, “Bainera bete itsaso” liburua idatzi du, Pirritx Porrotx eta Marimotots liburuak idatzi ditu, Berria Egunkarian kolaboratzaile da eta “Paperezko txoriak” proiektuagatik 2017 Igartza saria jaso du.
Hitzaldia doan da, aforoa bete arte!
2017/10/16 | Berriak, euskaldenda
Karrikiri Iruñeko Euskaldunon Topaguneak liburu aurkezpen, bertso saio eta hitzaldi baten bidez berrinauguratuko du denda berria. Bi hilabetez denda itxita egon ondoren, irailaren 26an ireki zen Xabier kaleko denda.
Ekitaldi nagusia, urriaren 21ean, larunbatarekin, gauzatuko da. Goizeko 12:00etan, Maialen Lujanbio eta Julio Soto bertsolariak bertsotan hasiko dira, gurera hurbiltzen den orok denda berrituaz bertso saio baten bidez goza dezan.
Egitaraua borobiltzeko, urriaren 19an, “Egile berriendako literatur lehiaketa 2016” liburuaren aurkezpena eginen da. Hiru saridunak gurera hurbilduko dira: narrazio atalean, Ander Perez Argote “Lehen malutak” testuaz ariko da; olerki atalean, Iban Garro Alzuri “Hidris-en aulkia”rekin; eta bertso-paperetan, Julio Soto Ezkurdia “Nor naiz?” lanarekin. Arratsaldeko 19:30ean emanen diogu hasiera berrinaugurazio honetako lehendabiziko ekitaldiari.
Eta bukatzeko, urriaren 25ean, 19:30ean, Miren Amurizarekin haur liburu ilustratuei buruz hitz eginen dugu. Miren Amurizak “Konta iezadazu ipuin bat” izenburupean eskainiko du hitzaldia.
Urriaren 19an, 19:30ean, “Egile berriendako literatur lehiaketa 2016” liburu aurkezpena
Urriaren 21ean, 12:00etan, Maialen Lujanbio eta Julio Soto bertsolariak
Urriaren 25ean, 19:30ean “Konta iezadazu ipuin bat” Miren Amurizaren eskutik
2017/10/11 | euskaldenda
Adi!! Urriaren 12an lan eta lan ariko gara Karrikiri dendan eta bulegoan.
Ordutegia: 10:00-13:30 eta 17:00-20:00
Abenduaren 6an ere gauza bera eginen dugu.
2017/09/25 | Berriak, euskaldenda
Zatoz denda berria ezagutzera!! 2 hilabete denda itxita egon ondoren, azkenean, denda berritua irekin dugu.
Liburu eta musika txokoa handitu dugu, eskaintza zabalagoa jarriz eta euskal produkzioa handituz. Kuxkuxeatu nahi? Betiko ordutegian gaude: astelehenetik ostiralera 10:00etatik 13:30era eta 17:00etatik 20:00etara; larunbatetan, 10:30etik 14:00etara
2017/09/4 | Berriak
Karrikiri euskal dendatik lanaldi erdiko lanpostua eskaintzen dugu!
Dendako giroa gustatzen bazaizu, arratsaldeak libre baldin badituzu eta lan taldean aritzea gustukoa baldin baduzu, bidaliguzu zure CVa. Zabaldu mezua!!
Informazio guztia honatx duzun estekan: KARRIKIRIKO LAN ESKAINTZA
