Lurraldeen arteko harremanak euskalgintzan, Xan Aireren eskutik
Maiatzaren 10ean, asteazkenarekin, arratsaldeko 19:00etan emanen diogu hasiera Maiatzaldiari.
Gurekin Xan Aire izanen dugu “Lurraldeen arteko harremanak euskalgintzan: ikuspegi kritiko bat, Iparraldea deitu periferiatik” hitzaldiarekin.
Euskalgintzaren lurralde arteko harremanez aritu zen Seaskako teknikaria urtarrilean Durangon antolatutako Topaldian (goian bideoa), eta horri lotuta, lurraldeen arteko harremanak aztertuko ditu heldu den asteazkeneko hitzaldian.
Maiatzaldiak euskaratik eta euskaraz egindako egitaraua eskaintzen digu: Baiona eta Iruñea arteko kultur harremanak sendotzeko eta kultur erakusleiho izateko.
Hitzaldia: “Lurraldeen arteko harremanak euskalgintzan: ikuspegi kritiko bat, Iparraldea deitu periferiatik” Xan Aire, Seaskako Teknikaria.
Noiz: maiatzaren 10ean, asteazkenarekin
Ordua: 19:00etan
Non: Karrikiri Euskaldunon Topagunean (Xabier karrika 4, Iruñea)
