ITSU KOLPEKA liburuaren aurkezpena (Otsailak 19, 19.30ean)
(H)Ilbeltza hemen da! Aurkezpena urtarrilaren 15ean Karrikirin (17etan). Gorde sekretua!
Urtero bezala, eguberriak pasa ondoren, biziki maite dugun bisita bat izanen dugu Karrikirin aurten ere: 2020ko (H)Ilbeltza Baztango Euskal Nobela Beltzaren Astea aurkeztera etorriko zaizkigu antolatzaileak.
Urtarrilaren 15ean, arratsaldeko 17etan. Gorde sekretua.
Kezko bola batek itoak birikak (Miel A. Elustondo)
Guatemala eta Nafarroako Baztanen gertatzen da historia beltz hau. Hango bortizkeria basatia, hemengo biolentzia isila, ikusezina.
Ustelkeria politikoa eta ekonomikoa. CAN afera eta Lekarozko Aroztegia, botere eta diruaren gose daudenak. Ñana sikario, Helena morroi erabilgarri, On Jaime oro boteretsu.
Osagai hauekin nobela borobila osatu du Miel A. Elustondok. Hasieratik harrapatuta sentituko zara eta ia liburuaren bukaerara ailegatu arte ezin izanen duzu korapiloa askatu.
Eleberri honek irabazi du Baztango Udalak, Txalaparta argitaletxeak eta Ilbeltza elkarteak urtero ematen duten beka-saria.
Hemen eskuragai.
Baztango Euskal Nobela Beltzaren Astea urtarrilaren 16tik 22ra
Hiru urtez jarraian egiten den zerbaitek merezia omen du tradizio izena eta beraz, Baztango Euskal Nobela Beltzaren Astea, Ilbeltza, jada ezinbesteko zita bihurtu dela esan liteke: asteartean aurkeztu zuten aurtengo egitaraua eta edukiz beteta dator.
Asteartean aurkeztu zuten aurtengo Euskal Nobela Beltzaren Astea (argakzia: Ilbeltza).
Urtarrilaren 16arekin hasiko da txipiroi tintaren koloreko literatura Nafarroako eskualdean barreiatzen. Patxi Larrion idazle iruindarraren Feriatzaileak nobelak jarriko du hizpidea Arizkungo liburutegian 19:30etik aurrera. 1969ko Iruñean girotua, Patton filma errodatzen zuten bitartean bi gaztek egin zituzten martingala eta feriatzeak dira iazko irailean publikatu zen eleberriaren ardatza.
Miel A. Elustondo kazetari eta ARGIAko kolaboratzaileak emango dio segida Nobela Beltzaren Asteari, Beltz guztiak ez dira bele (Gotzon Garateren oroimenean) izeneko hitzaldiarekin. Anizko elkartean antolatu dute solasaldia, 2008an hil zen idazlearen lana ardatz hartuta.
Film laburrak eta trama politiko beltzak
Letretatik ikus-entzunezkoetara pasako dira ondoren, urtarrilaren 20an, Euskal Harriaren ABDak film labur sortaren emankizun batekin. Elizondoko Arizkunenea Kultur Etxean da zita, eta film horietan parte hartu zuten hiru egile izango dira bertan: Ane Urkiola, Beñat Iturriotz eta Santi Leoné.
Urtarrilaren 21eko larunbata ageri da beteen programan, goizeko 11etan hasita Iratxe Fresneda EHUko irakasleak eta Gorka Bereziartua ARGIAko kazetariak izango duten solasalditik abiatuta. Mikel Soto Txalaparta argitaletxeko editoreak moderatuta, Fikziorako argudioak politikaren trama beltzetik izango dituzte hizpide Elizondoko Arizkunenea Kultur Etxean.
Genero beltzaren aurtengo uzta
14:00etan Erratzuko Etxeleberteko txokoa elkartean bazkaldu ondoren, hainbat liburu aurkeztuko dituzte: Eneko Aizpuruaren Lehertu da festa, Itxaro Bordaren Ultimes déchets, Miren Gorrotxategiren 33 ezkil eta Ander Odriozolaren Freeport, denak ere intrigaren eta genero beltzaren alorrekoak.
“Susmagarrien gaua” prestatu dute segidan Erratzuko ostatuetan barna eta atzetik, 21:00etan, Markos Untzetaren kontzertua. Blues-folk ukituak dituen popa egiten du musikari eibartar autodidakta honek.
Biharamun handirik gabe esnatzea aurreikusten dute urtarrilaren 22an, Lekarozko plazan ipuin kontaketa teatralizatua prestatu baitute 11:30ean. Arratsaldeko 19:00etan bukatuko da aurtengo Euskal Nobela Beltzaren Astea Elizondoko Arizkuneena Kultur Etxean: 19:00etatik aurrera Julio Soto, Andoni Egaña, Onintza Enbeita eta Alaia Martin ariko dira bertsotan Josu Goikoetxeak jarritako gaiei erantzunez.