Gaur (15) Euskaraldiaren aurkezpena Txantrean
Euskaraldiak bigarren aurkezpena izanen du gaur Iruñean:
Urtarrilaren 15ean, asteazkena, 19:00etan. Txantreako Liburutegi Publikoan
Sarrera libre. Aktibatu eta parte hartu!
Nerea Balda – IRAILAK 19
Nerea Balda izango da, Karrikirin, bere azken liburua aurkezten duen hurrengo idazlea. Solaskidea Ines Castiella. Irailaren 19an, ostegunarekin, 19:30ean
Protagonistak, Londonen bizi den emakume euskaldun gazteak, bizitza eman du itzultzaile-interpretea izateko asmoz gogor lanean, baina helburua lortutakoan, hutsik, ilusiorik gabe, bizi larriminak harrapatu du. Krisialditik atera nahian, obsesio bilakatuko zaion bide okerra hartu du, ordea. Hainbat ahots narratiboren bitartez eraikitzen den eleberri hau ilusioez, distantziaren gazi-gozoez, adierazi ezinaz eta adiskidetasunaz mintzo zaigu.
Manez eta Kobreak, Thierry Biscaryren lan berria
Aste Santuko oporrak eta gero, Karrikirin prestatu dugun programazioa musikarekin hasiko da. Ziur gustokoa izanen duzula!
Apirilaren 4an, arratsaldeko 19:30ean, Thierry Biscaryk (Kalakan taldeko partaide ohia) Manez eta Kobreak taldearen lehendabiziko lana aurkeztuko du gure egoitzan.
Hementxe uzten dizugu Zapetagilea abestia, ahoa irekitzen hasteko! http://www.badok.eus/kantua/zapetagilea/
Thierry Biskariren izen artistikoa da Manez. Hainbat taldetan (Bolbora, Hegalka, Kokin, Kalakan…) aritu ondoren, bere kantuak aurkeztu ditu Kobreak metalezko tresnen taldearekin grabatutako diskoan. Lurrarekin eta komunitatearekin duen harremana aipatzen dute kantuek.
Diskoan parte hartzen dutenen artean hauexek daude:
- Thierry Biskary, ahotsa, perkusioak, moldaketak
- Ana Telletxea, ahotsa, eskusoinua, perkusioak
- Fermin Garaikoetxea ‘Mintxo’, ahotsa, tronpeta, bonbardinoa
- Vianney Desplantes, ahotsa, bonbardinoa
- Bixente Etxegarai, ahotsa, tronpeta
- Laura Etxegoihen, ahotsa, saxofoia
Hitzak Xabier Euzkitze, Uxue Alberdi, Aurelia Arkotxa, Itxaro Borda eta Jon Maiarekin egin ditu.
Sarrera doan da eta lekuak mugatuak daude!
Euskaraldiaren aurkezpena Iruñean
Asteazkenean eginen dugu Euskaraldiaren aurkezpen irekia Iruñeko Zaldiko Maldiko Elkartean.
Gurekin Lizarrako Alfredo Dufur egonen da eta Lizarran bizitako esperientziaz ariko zaigu. Ondoren, Ibai Osinagak (Altxatu) abesti batzuk kantatuko ditu eta bukatzeko Saioa Alkaiza eta Iker Gorosterrazu bertsolariekin izanen dugu saiotxo bat.
Aurkezpena 19:00etan izanen da eta Iruñeko euskaldunoi zuzendua dago. Bertan, Amets Arangurenek (Karrikiri Elkartearen izenean) eta Larraitz Amadozek (Topagunearen izenean) Euskaraldiaren inguruan informazio luzatuko digute. Zer da Euskaraldia? zer egin dezaket? nola? Galdera guztien erantzuna, martxoaren 21ean, arratsaldeko 19:00etan.
Hasi gara berrinaugurazioarekin!!
Atzo eman genion hasiera dendaren berrinaugurazioari!
“Egile berriendako literatur lehiaketa 2016” liburu aurkezpena Iñaki Azkonak bideratu zuen. Testuak irakurtzeko tartea izan genuen, baita errezitaldi txiki bat egiteko ere. Azkenean, Julio Sotok ezin izan zuen etorri, baina bihar hemen egonen da!
Maialen Lujanbio eta Julio Sotoren txanda dator: bihar, 12:00etan.
