220 Archives • Karrikiri

Bas(h)oan (Beñat achiary)

2018/02/1 | Musika gomendioak

Bas(h)oan proiektua, Robvie Basho gitarrajolearen lanean oinarritua dago. Musikari Amerikarraren kantuek lilluraturik elkartu dira Beñat Achiary, Joseba Irazoki eta Julen Achiary. Folk eta Rock doinuetatik aratago doazen erritmoak izan dituzte inspirazio iturri.

Itxaro Borda idazlea ere bidelagun izan dute abentura honetan, berak itzuli bait ditu Bashoren jatorrizko zenbait olerki. Idazleak sortutako poemak ere badira lan berrian. Uztarketa honek, aro ezberdinetako gizon eta emakumeen arteko elkarrizketak izatea lortu du achiaryren esanetan.

Ondutako musikariak dira hirurak, etengabeko bilaketan ari diren sortzaileak ditugu. Herri tradizioan edo eta ikuspegi unibertsalagoan murgiltzeko batere arazorik ez duten egileak.

Elkar ekoiztetxeak argitaratutako lana izan da.

Hemen eskuragai.

Arazo modernoak (Bi Bala)

2018/02/1 | Musika gomendioak

Bi urteko atsedenaldiaren ondoren hemen da Bi Bala taldearen hirugarren diskoa. «Arazo modernoak» izena jarri diote haien hirugarren lanari. Aurreko lanetan («Wasabi», 2014; eta Gure Eroyak, 2015), erakutsitako ildoari jarraitu badiote ere azken honetan doinu indartsuagoak topatu ditugu. Abestien letrak ere zorrotzagoak dira, bertsolaritzaren mundua gertutik ezagutzen du taldekide zenbaitek eta horrek ere eragina izan du kantuak osatzerako orduan.

Julen Goikoetxea (bateria) Xabier Etxeberria (baxua), Iñaki Gurrutxaga (gitarra eta ahotsa) eta Aitzol Barandiara (ahotsa) dira «Bi bala» proiektua biribildu duten musikariak. Bertso-rock estilo deigarriaren erreferente da taldea.

«Arazo modernoak» lana, umoretsu eta gupidarik gabe dator eta inor gutxi salbatuko da astinaldi on bat jasotzetik.

Hemen eskuragai.

Nora goaz euskalduntasun honekin? (Joxe Manuel Odriozola)

2018/02/1 | Liburu gomendioak

Denok dakigu Joxe Manuel Odriozola euskaltzale amorratua dela, bizitza osoa eskaini baitio euskararekin harremanik duen gai orori.

Bere ustez euskalduntasun etniko batean jarraitzen dugu bizitzen, ez dugu jauzi egin euskalduntasun nazional politiko batera eta horrek kolokan jartzen du euskararen etorkizuna.

Euskarak ba al du bizirik hegemoniarik gabe? Elebitasunak, kultu-bitasunak ez gaitu eramaten egoera diglosiko batera? Gure gizartean euskarak dituen mugek ez dute euskararen biziraupena bera zalantzan jartzen? Galdera potoloak, zilegi diren zalantzak, euskaldunok buruan izan beharko genituzkeenak.

Liburu bat hausnartzeko eta gure euskararekiko maitasuna elikatzeko.

Hemen eskuragai.

Soldataren patriarkatua (Silvia Federici)

2018/02/1 | Liburu gomendioak

Katakrak sortu zen Euskal Herriko gizartean eztabaidak pizteko eta gizarte bera eraldatzeko. Horretarako saiakera batzuk euskaratu dituzte eta horietako bat «Soldataren Patriarkatua» dugu. Idazlea Silbia Federeci da.

Baina nor da emakume hau? Zein da bere pentsaera? Liburuaren azpitituluak («Marxismoari egindako kritika feministak») ematen digu pista handi bat. Beraz, Silbia ekintzaile marxista eta feminista da. Bere lan ildo nagusia izan da marxismoak feminismoarekin dituen mugak aztertzea eta salatzea.

Gai oso interesgarria, beste mundu posible dela pentsatzen duen edonorentzat. Espero dezagun Katakrakekoek jarraitzea bide honetatik eta liburuen itzulpen uzta gizen dezatela.

Hemen eskuragai.