Liburuen uhinek alaituko dizkigute gure datozen eguna, liburu interesgarri batzuen aurkezpenak antolatu ditugu:
Apirilaren 26an, astelehena, Garen hori aurkeztera hurbilduko zaigu Ana Urkiza egilea. Eusko Ikaskuntzako lehendakaria da gaur egun Ana Urkiza, aurkezle lanetan Iker Tubia arituko da.
Maiatzaren 6an, osteguna, Iruñeko udalaren Egile Berriendako Literatur Lehiaketako irabazleen lanak biltzen dituen liburua aurkeztuko dugu. Bertan parte hartuko dute lehiaketaren irabazleek: Julio Sotok, Saioa Alkaizak eta Sarai Roblesek, aurkezpen lanak Uxue Reyk eginen ditu.
Maiatzaren 10ean, astelehena, Ernest Hemingwayren Fiesta Eguzkia jaikitzen da liburuaren euskarazko itzulpena aurkeztuko dugu. Horretarako, bertan izanen dira, Koro Navarro liburuaren itzultzailea eta Amaia Apalauza aurkezle lanetan. Aurkezpen hau EIZIErekin batera antolatu dugu.
Hitzordu guztiak Kondestablearen Jauregian izanen dira, arratsaldeko 19etan. Aforo mugatua izanen da, beraz bizkor ibili!