Horretaz landa, Karrikiriko zerbitzuen martxa berria, Sanfermin Txikiko jaiak, gure elkartearen denda mugikorraren ibilerak eta Karrikadantza ekimenaren edizio berria hilaren 15ean eginen dena.
Agendaren atalean ikastaro, hitzaldi, musika emanaldi eta beste hainbat hitzordu interesgarria eta, esan bezala, elkarrizketaren atalean HUHEZI fakultateko Euskal Kulturgintzaren Transmisioa gradu ondoko programaren laugarren ikastaroaren berri.
Ekarpenen tartean Josu Penades irakasle eta idazlearen artikulua eta gure gomendioen artean Andrej Longo eta Itxaro Borda idazleen lanak, “Hamar” eta “Boga boga”, eta Z Z Blues Band eta Hasier Oleagaren “Cantus Caterva” diskak.
Eta Aldapako Sanfermin jaiak behar bezala ospatzeko, Karrikiri dendan aurkitu ahal izanen dituzuen euskal jantzi dotoreak; gustu eta adin guztientzako aukera zabala.
On egin deizuela!!!