Sylvia Plath oso denbora gutxitan klasiko bat bilakatu dela esatea ez da astakeria bat, egun bere jarraitzaileak legio bat dira. Gazte hil zen, berrogeita bat urterekin, baina oso gazte hasi zen poesia idazten.
Bere poesiak hunkitzen gaitu, idatzi zituen olerkiak gure bihotzera zuzendutako balak dira, barrutik inarrosten dituzte arimak, inor ez da ezaxolati geratzen. Liburu honetan “denonartean” argitaletxeak Amatasuna eta amatasunaren Maitasuna inspirazio iturri dituen poemak, emakumezko hiru ahots desberdin baliatuz, ekartzen digu. Aipatzekoa da ere Anuska Allepuzen irudiak, sinpleak baina adierazkorrak bezain politak.
Ezin dugu bukatu Harkaitz Canok egindako itzulpen bikaina aipatu gabe.
Hemen eskuragai.