Horrela bada, aurreratu bezala, agendaren atalean Atarrabiako euskaldunon astean izanen diren ekimenak, Iruñea Kantuzen saio berriak, sormen tailerrak eta bestelako ekimen eta hitzordu interesgarriak aurkituko dituzue.
Elkarrizketaren tartean, Irrien Lagunak Klubak sortutako Irrien Lagunak Gizartegintza Elkarteak irailaren 22an Lazkaon antolatuko duen Bizipoza Jaiaren inguruan solasean aritu gara Joxe Mari Agirretxerekin. Bertara joateko sarrera zapiak, gainera, Karrikiri dendan salgai ditugu, beraz hurbildu zaitezte agortu aitzin!!
Euskalgintzako lagunen ekarpenen atalean, berriz, “Auzolanaren kultura” liburuaren egilea den Jasone Mitxeltorenaren artikulu interesgarriaren lehenengo zatia irakurgai izanen duzue. Eta gure gomendioen artean Mari Luz Estebanen “Amaren heriotzak libreago egin ninduen” eta Eduardo Galeanoren “Ispiluak” liburuak aurkituko dituzue eta The Icer Company eta Nekez musika taldeen azken lanak.
Eta Sanfermin Txikito jaiak hilaren bukaeran izanen direla kontuan hartuz, gogoan izan Xabier karrikako gure saltokian bestak baserritar jantziekin gozatzeko aukera eskainiko dizuegula, bertan aurkituko baitituzue dotore jantzita joateko osagarri guztiak.
Hasieran erran bezala, heldu diogu bada ikasturte berriari eta gure elkarteko ateak zabalik dira. Pasa nahi duzuenean!!!