Zer egiten dugu?

Karrikiri Euskaldunon Topagunearen helburu nagusia Iruñean euskal kulturaren eta euskararen erabilera bizitzaren eguneroko alderdi guztietan bultzatzea, indartzea eta sustatzea da, hots, Iruñeko komunitate euskaldun trinkotua, egituratua eta orekatua, euskaldun guztiendako ateak zabalik dituena, erdiesteko bidean.

Honako xedeak ditugu:

• Euskaldunon hizkuntza komunitatea egituratzea, euskaldunon arteko harremanak indartuz.
• Euskaraz aritu ahal izateko guneak ezagutzera ematea eta zabaltzea.
• Komunikaziorako gune berriak sortzea.
• Euskararen erabilera egunerokotasunean sustatzea
• Euskararen aldeko sentsibilizazioa piztea
• Euskararen irakaskuntza sustatzea eta motibatzea

Horretarako komunikazio lanak, eskaintzen ditugun zerbitzuak eta euskal denda gure ildo nagusiak dira.